केंद्रीय गृह व सहकार मंत्री अमित शाह यांच्या शिर्डी आगमनाने जिल्ह्यात उत्साहाचे वातावरण निर्माण झाले. शिर्डी विमानतळावर उतरल्यावर मुख्यमंत्री देवेंद्र फडणवीस यांनी त्यांचे पुष्पगुच्छ देऊन स्वागत केले.
या स्वागत सोहळ्यास उपमुख्यमंत्री एकनाथ शिंदे, उपमुख्यमंत्री अजित पवार, केंद्रीय सहकार राज्यमंत्री मुरलीधर मोहोळ, जलसंपदा मंत्री तथा जिल्ह्याचे पालकमंत्री डॉ. राधाकृष्ण विखे पाटील, जलसंपदा मंत्री गिरीष महाजन, महसूलमंत्री चंद्रशेखर बावनकुळे तसेच पशुसंवर्धन मंत्री पंकजा मुंडे उपस्थित राहून अमित शाह यांचे स्वागत केले.
यावेळी नाशिक परिक्षेत्राचे विशेष पोलीस महानिरीक्षक दत्तात्रय कराळे, जिल्हाधिकारी डॉ. पंकज आशिया, मुख्य कार्यकारी अधिकारी आनंद भंडारी यांच्यासह जिल्हा प्रशासनातील वरिष्ठ अधिकाऱ्यांची उपस्थिती होती.
